Your description goes here

ВАШИНГТОН. /ИТАР-ТАСС/. Дэлхийн банкны /ДБ/ удирдлагад давамгайлах байр суурь эзлэхийн төлөө АНУ цаашдаа ч өрсөлдөх болно гэж тус улсын Сангийн сайд Тимоти Гайтнер мэдэгдлээ.
ДБ-ны одоогийн тэргүүн Роберт Зеллик удахгүй огцрох гэж байгаатай холбогдуулан лхагва гарагт хэвлэлд нийтлүүлсэн мэдэгдэлдээ тэрбээр дурджээ. Р.Зеллик таван жилийн гэрээний хугацаагаа дуусгаад ирэх зун албан тушаалаа өгөх юм. Ойрын үед энэ байгууллагыг авч явж чадах туршлагатай хүнийг нэр дэвшүүлнэ гэдгээ Сангийн сайд мэдэгджээ.

Авлигад хамгийн ихээр идэгдсэн орнуудын жагсаалтыг Узбекстан улс тэргүүлжээ. Ийм жагсаалтыг Америкийн “The Daily Beast” сэтгүүл гаргасан байна. Нийгэм нь авлигад идэгдсэн байдал, улс төрийн эрх, иргэний эрх, тэр дундаа үг хэлэх эрх, тэрчлэн бизнесийн ил тод байдлын үзүүлэлтээр хамгийн муу үзүүлэлттэй гарсан 20 улс энэ жагсаалтад багтжээ.

АНУ-ын ерөнхийлөгч Барак Обама төсвийн алдагдлыг бууруулах сонгуулийн өмнөх амлалтаа биелүүлж чадахгүй болов. Шинэ төсөвт алдагдал 1,33 их наяд буюу 8,5 хувь болж байна. Улсын өрийн хэмжээ нь 2021 он гэхэд 18 их наяд ам.доллар болох ажээ. Энэхүү орлогоо Обама баячуудаас авах татварын нэмэгдлээс олох гэнэ. “Тэр нь Америкийн уналтын зам” хэмээн бүгд найрамдахчууд дургүйцэж байна.

Жүжигчин Т.Билэгжаргал буюу Бэкэ “Камертон-2” шоу нэвтрүүлгийн хөтлөгчөөр ажиллах гэнэ. Тэрбээр “Сая километр”, “Луйврын хот”, “Ийм нэгэн явдал” зэрэг кинонд амжилттай тоглож, хамгийн сүүлд “Франц үнсэлт” киногоороо үзэгчидтэй уулзсан. Харин энэ удаад Бэкэ удахгүй “Боловсрол суваг” телевизээр гарах “Камертон-2” шоу нэвтрүүлгийг хөтлөх юм байна.

Бэкэг уншигчид “Гурван охин” хамтлагийн Г.Анхмаагийн нөхөр гэдгийг мэдэх биз ээ. Хосууд тун удахгүй эцэг, эх болох гэж байгаа билээ.

М.Урин

АНУ, Европын холбооны монополийн эсрэг байгууллагууд “Motorola Mobility” компанийг худалдаж авахыг “Google”- д зөвшөөрсөн тухай ВВС дамжуулав. Гар утас, сэлбэг хэрэгсэл үйлдвэрлэдэг “Motorola Mobility” компанийн 25 мянган патентыг “Google” 12.5 тэрбум ам.доллараар худалдан авах аж.

“Google” их мөнгө хаяж энэ компанийг худалдан авснаар “Android” үйлдлийн системээрээ ухаалаг гар утасны зах зээлд ноёрхохыг санаархаж

байна хэмээн ажиглагчид таамаглаж буй.